Istorisite

La République, se yon platfòm jounalistik, ki lanse janvye 2024, ki reyini plizyè pwofesyonèl nan domèn enfòmasyon.

Nou ankouraje ak priyorize ankèt, atik syantifik, sijè k ap dekri reyalite Ayisyèn nan. Nou pa genyen finansman pyès enstitisyon, nan kole pyese n ap konbat pou n sipòte pye poudre nou yo.

Misyon

Misyon nou se enterè piblik  la, chache konnen sa k ap pase nan nannan peyi a, politik, sosyal, edikasyon, ekonomi, elatriye. Depi nou fin li epi angaje n pou n pibliye yon atik n ap rete sou pozisyon nou, se sa k fè tout ti detay enpòtan nan atik n ap pibliye yo, pou se pa zafè règleman kont k ap regle.

Valè n ap defann

Libète laprès se kondisyon n ap mache sou li. Pa kont, nou pa twò kole danse ak anonima, fòk ekip redaksyon nou an klè kou dlo kòk sou kibò enfòmasyon an sòti pou n ka parèt pi onèt, pou lektè yo kapab pi konfyan. Toutfwa, si enfòmasyon an ta gen ris pou mete lavi sous la nan danje n ap pwoteje l, nou pap revele l jan lwa nasyonal, entènasyonal ban nou dwa pou sa. 

Regleman redaksyonèl

Nan lide pou rete koyeran ak liy editoryal nou regleman redaksyonèl lan se premye zouti k ap ede n. Sòti sou manb fondatè rive sou kolaboratè tout dwe koube anba règ sila yo.   

1. Tout jounalis dwe koube anba prensip yo. 
2. Tout kolaboratè/jounalis dwe konsève tras mesaj sous yo. 
3. Relijyon w pa dwe yon baryè pou w travay sou kenpòt sijè. 
4. Nou ankouraje travay teren/ak konsiltasyon ekspè anpil, se sa k fè n ap bay asistans ak tout jounalis ki vle aplike metòd teren/konsiltasyon eskpè nan yon rechèch. 
5. Jounalis yo kapab travay nan kenpòt lang lan, administrasyon an gen dwa tradwi travay li a san wete ni mete.  
6. Pyès jounalis pa dwe reprezante jounal la nan yon konferans, reyinyon.... san administrasyon an pa ba li otorizasyon pou sa. Pa kont, li ka pran lapawol nan non medya a sof si rankont lan pa t planifye, kidonk, ki pa ofisyèl.
7. Kolaboratè/jounalis tout dwe pibliye yon atik pou pi piti chak mwa. Apre yon mwa ou pa pibliye, san yon eksplikasyon valab nou pap konsidere w pami nou. ( Pou jounalis k ap kòmante/redije aktyalite yo dwe pibliye yon fwa pa semèn pou pi piti ) si gen kontrent li dwe avèti administrasyon an sa. 

7-1 Avètisman yo dwe fèt swa sou email administrasyon an info@larepublique.online oswa sou watsap yon responsab. 

8- Avan kèlkeswa pibilikasyon yon atik li dwe pase 3 faz koreksyon. Pou tout rektifikasyon administrasyon an dwe konnen. 

9- Jounalis/kolaboratè a dwe dekante ki tip travay li vle fè paske n ap klase travay yo nan yon kategori tankou, aktyalite, ekonomik, opinyon, feminis, politik, elatriye... 

10- Propriyete entèlektyèl enpòtan anpil pou nou, kidonk, toujou respekte règ kredi yo, paske pou nou se yon vyolasyon grav. 

11- Jounalis/kolaboratè yo toujou dwe fè pwozisyon sou sijè yo panse ki dwe trete chak lendi. 

12- Jounalis/kolaboratè dwe fè prèv kritik sou tretman chak sijè. 

 Politik Nou

1. Pyès kolaboratè/jounalis, manb fondatè, pa dwe enplike nan fè krim, ni enfraksyon, non sèlman w ap deyò men tou ap gen kominike pou mande lajistis pran responsabilite l jan lalwa mande sa. 
2. Pyès kolaboratè/jounalis/ manb fondatè pa dwe gen diskou, k ap ankouraje vyolans/diskriminatwa (Omofòb, seksis, zenofobi, elatriye..) administrasyon an ap pran desizyon pou mete moun sa deyò. 
3. Pyès kolaboratè/jounalis, manb fondatè pa dwe pale “La Republique” mal, tout diskisyon dwe jere andedan enstitisyon an. 
4. Pyes kolaboratè/jounalis, manb fondatè pa dwe revele sous anonim yo menm nan pwosesis jiridik. 
5. Kolaboratè/jounalis pa dwe mande yon sous pou apwouve travay li avan piblikasyon l, sèlman li ka di l men ki
6. enfomasyon l ap itilize. 
7. Pyès kolaboratè/jounalis, manb fondatè pa dwe itilize materyèl “La Republique” pou aktivite pèsonèl li. 
8. kolaboratè/jounalis, manb fondatè, pa dwe yon militantis politik, ni aksepte lajan/kado nan men moun pou travay ki gen rapo ak “La Repubique”. 
9. Kolaboratè/jounalis, manb fondatè, pa dwe itilize grafik “La Republique” san administrasyon an pa dakò. 
10. kolaboratè/jounalis, manb fondatè, pa dwe ap konkiranse nou ak lòt medya. 

       Pou tout atik ki pa dikte ki sanksyon ki rezève pou yo se lèt pou blame yo, oswa reprimande yo vèbalman. 

       Règleman ak kòd kondwit sa yo kapab modifye kenpot lè.